Нервозните реакции на кандидатката на Никола Груевски и ВМРО-ДПМНЕ, Данела Арсовска не можат да со сокријат фактот дека таа пред 10 години добила бугарско државјанство, а пред четири години добила и бугарска лична карта и сето тоа го криела од јавноста, посочуваат од СДСМ.
Од таму велат дека не е спорно што Арсовска има туѓо државјанство, бидејќи, како што велат, тоа е нејзино право, но сметаат дека спорно е тоа што крие од граѓаните и ги потценува.
„Бадијала се лути Даниела или Данела и спомнува некаков алманах, поголем доказ за идентитет од лична карта нема. Од вистината никој не побегнал“, истакнуваат од СДСМ додавајќи дека вакви, како што велат, подметнувања не проаѓаат кај граѓаните на Скопје.
