Обидувајќи се да ја затскрие неспособноста на своите градоначалници, кои донесоа само партизација и поништување проекти, ВМРО-ДПМНЕ по секоја цена се обидува да конструира непостоечки случаи против функционери на СДСМ, велат од владејачката партија како реакција на денешното обраќање на Димче Арсовски, кој обвини дека адвокатско друштво на пратеничка од СДСМ зело 55.000 евра од државни институции.
Според СДСМ, пак, ВМРО-ДПМНЕ се обидува да измисли скандал онаму каде што го нема.
„Снежана Калеска-Ванчева е основач на посоченото адвокатско друштво, но од првиот ден на мандатот таа ја напушта адвокатската пракса и нема никаква допирна точка ниту со управувањето, ниту со секојдневното функционирање на друштвото, кое патем постои од 2005 година, а адвокатската канцеларија од 1992 година“, се наведува во партиската реакција.
