Од СДСМ преку соопштение бараат лидерот на ВМРО-ДПМНЕ, Христијан Мицкоски, да се огласи по прес-конференцијата на Славјанка Петровска.
„Во јавноста секојдневно излегуваат детали за скандалозна препродажба на земјиште, каде што вмешани се функционери на ВМРО-ДПМНЕ.
Меѓу нив е и Влатко Илиевски, човек од личното обезбедување на Мицкоски, кој продал земјиште по неверојатна цена од 500.000 евра.
Наместо да се крие зад портпаролите, Мицкоски да излезе пред јавноста и да одговори каква е неговата поврзаност со овој скандал?
Дали со негово одобрување и знаење се склучени договорите?
Дали разликата од препродажбата како црни пари завршиле во белиот дворец за што постојат оправдани сомневања?
Затоа ли брзаше да се изгласа недоверба на Владата за да го скрие овој скандал“, се прашањата што јавно ги упатија од СДСМ.
