Еден од најдобрите играчи на Атлетико Мадрид Саул Нигез смета дека Реал ќе ја освои титулата во Шпанија бидејќи станува збор за најдобриот тим, а не поради помошта на ВАР.
Навивачите на Барселона го напаѓаат лутиот ривал бидејќи Реал на три од последните четири натпревари победија со помош на пеналите.
„Реал ќе ја освои Ла Лига бидејќи тоа го заслужува, не поради ВАР. Лигата секогаш ја освојува оној кој најдолго време бил најдобар. Мислам дека Реал има исклучително добра сезона, а по паузата игра сјајно“, рекол игарчот на Атлетико за „Ел Партидазо де Копе“.
Саул се согласува со својот тренер Диего Симеоне кој неодамна изјави дека поради напаѓачкиот фудбал што го негува Реал добива многу пенали.
„Тренерот е во право, Реал секогаш оди напред“.
Реал сепак математички се уште не ја освоиле титулата. Тоа ќе го направат доколку утре го победат Виљареал. Атлетико од друга страна обезбеди место во Лигата на шампионите, а Саул и соиграчите се насочени кон четврт-финалето во Лигата на шампионите каде за противник го имаат Лајпциг.
