Силен ветар во Санкт Петербург собори повеќе од 260 дрвја, а 14 автомобили беа уништени, објави градскиот секретаријат за вонредни ситуации.
Како што се наведува, во четвртокот вечерта спасувачките служби интервенирале 373 пати.
„Одговоривме на пријавите дека паднале 261 дрво, како и дека се урнале 112 различни објекти во градот. Уништени се 14 автомобили”, се вели во соопштението.
Според претходните извештаи, две лица биле повредени.
На 9 септември, Градскиот секретаријат за вонредни ситуации издаде предупредување за временски непогоди за Санкт Петербург и регионот Ленинград.
