Многу заразната варијанта на коронавирусот, која за прв пат беше откриена во Велика Британија, сега сочинува до 20 проценти од инфекциите во поширокиот регион на Париз, изјави шефот на медицинскиот одбор на болничките групи АП-ХП во Париз, Реми Саломо.
„Имаме првични резултати во регионот на Париз и тие не се добри“, изјави Саломо за Радио Франсанфо, објави „Ројтерс“.
Бевме на шест до седум проценти на 7 јануари за да достигнеме 15 до 20 проценти минатата недела.
Саломо рече дека се потребни построги мерки за да се запре пандемијата.
