Соединетите Американски Држави одлучија да ја ограничат употребата на противпешадиски мини, со тоа придружувајќи им се на другите земји ширум светот, вклучително и сите сојузници на НАТО, во забраната на тоа оружје, соопшти Белата куќа.
„Претседателот Џо Бајден е уверен дека противпешадиските мини предизвикуваат несоодветен удар врз цивилите, вклучително и децата, долго откако ќе престанат борбите. Оваа промена не се однесува само на американската политика против пешадиски мини на Корејскиот полуостров со оглед на посебните околности во областа и ветувањето на САД дека ќе ја бранат Јужна Кореја“, се наведува во соопштението на Белата куќа.
Забраната ќе ја усогласи американската политика со Конвенцијата од Отава, меѓународен договор со кој се забранува употреба, акумулација, производство и пренос на противпешадиски мини.