Русија почнува да се повлекува од областа на нуклеарната централа Чернобил, соопшти Пентагон, пренесува АФП.
Руските трупи кон крајот на февруари, по нападот врз Украина, окупираа голем број украински објекти, вклучувајќи ја сега неактивната нуклеарна централа во Чернобил.
Украинците вработени за одржување на нуклеарната централа во понеделникот изјавија дека руските војници подигнале облак од радиоактивна прашина додека возеле низ областа.
Војниците не носеле никаква заштитна опрема и најверојатно вдишувале радиоактивна прашина. Тоа е еднакво на самоубиство, велат работниците за Ројтерс.
