Украинските безбедносни сили утрово два часа гранатирале девет населени места на териториите на самопрогласените Народни републики Доњецк и Луганск, соопштија претставништвата на републиките во Заедничкиот центар за контрола и координација на прекинот на огнот, пишува „Спутник“.
„ Во изминатите 24 часа ситуацијата на контактната линија е значително влошена. Непријателот, по директна наредба на воено-политичкото раководство на Киев, се обидува да го ескалира конфликтот… Ги повикуваме меѓународните набљудувачи да ги забележат агресивните акции на силите на Киев и преземање итни мерки за да се спречи крвопролевање во Донбас“, се вели во изјавата на Лешченко, објавена на Телеграмскиот канал на Народната милиција на ЛНР.
„ Истрелани се околу 160 гранати со калибар поголем од 12,7 мм“, пренесува агенцијата „Доњецк“.
Украинската влада ги негира обвинувањата.
„ И покрај фактот што нашите позиции беа мета на забрането оружје, вклучително и артилерија од 122 милиметри, украинските војници не отворија оган како одговор“, изјави портпаролот на операцијата на Украинските здружени сили за „Ројтерс“.
