Руските сили ги испратија во Киев телата на некои од убиените украински бранители на Азовстал, челичарницата во Мариупол.
Семејствата на загинатите борци велат дека тоа било договор во рамки на размената на телата. Во размената, повеќе од 50 тела на загинати припадници на Азовскиот баталјон и уште 110 тела на бранителите на Мариупол биле испратени во Киев, додека 160 тела на убиени руски војници биле испратени кај Русите.
Руските сили сè уште држат заробени повеќе од 2.500 бранители на Мариупол, изјави претходно украинскиот претседател Володимир Зеленски. Киев бара Русите да и ги предадат на Украина, а неколку водечки руски пратеници бараат да им се суди.