Рускиот УФЦ фајтер, Сергеј Павлович стигна до својата најголема победа во октагонот, откако му беа потребни само 55 секунди да го „уништи“ Дерик Луис во меч во тешка категорија во Далас на УФЦ 277, иако многумина сметаат дека судијата решил предвреме да го прекине мечот.
И покрај тоа што се соочи против еден од најопасните фајтери во историјта на тешката категорија, Павлович почна фуриозно и со бараж удари го прати Луис на подот, а судијата Ден Мираљота реши дека тоа е доволно за победа. Луис протестираше, но веќе беше предоцна.
„Бев подготвен да ги удирам пет рунди! Не е важно. Како ви се допаѓаат моите боксерски квалитети?“, изјави Павлович по мечот посочувајќи кон Мајк Тајсон кој беше во публиката.
Ова е четврта УФЦ победа во низа на Павлович, од кои сите беа завршени во првaта рунда со нокаут.
Sergei Pavlovich knocks out Derrick Lewis so fast!!!#UFC277 pic.twitter.com/og2c1QEWiV
— Van der Fleet (@luuk_de_jong9) July 31, 2022