Заврши акцијата за спасување на жртвите од несреќата којашто се случи вчера во Кина, кога се сруши двокатен ресторан за време на прослава на роденден. Во несреќата загинаа 29 лица, а 28 се повредени, од кои седуммина се во критична состојба.
Несреќата се случила вчераутро, кога двокатен ресторан во село на северот на Кина се урнал за време на прославата на 80-от роденден на еден од жителите.
Селото кадешто се случила несреќата се наоѓа во округот Чангфен во провинцијата Шанси, околу 630 километри југозападно од Пекинг.
Официјалните лица не соопштија која е причината за несреќата, пишува Асошиејтед Прес.
