Поради значително зголемување на бројот на заразени од коронавирус во Њу Делхи, главниот град на Индија, на новогодишната ноќ е во сила полициски час.
Индиските власти одлучија полицискиот час да биде во сила на новогодишната ноќ поради што вечерва на улиците може да се видат припадници на безбедносните сили.
Усвоените мерки вклучуваат строго почитување на ноќниот полициски час и интензивни патроли во областите познати како забавни центри, пишуваат индиските медиуми.
Индија, по Соединетите Американски Држави, е втората најпогодена земја од пандемијата на коронавирусот.
Досега во Индија се пријавени 34,8 милиони случаи на заразени, од кои 481.080 се смртни случаи.
