Италијанската полиција ја разреши мистеријата за распарчените човечки тела кои беа пронајдени во куфери во поле на периферијата од Фиренца, пишува весникот „Фанпејџ“.
Станува збор за албанската брачна двојка Шептим и Тетута Пашо, кои исчезнале без трага во 2015 година, а тоа било пријавено од страна на нивната ќерка.
Албанската двојка не живеела во Италија, но била во посета на синот и ќерката кои живеат во Фиренца.
Според нејзината ќерка, мајката во ноември 2015 година се јавила од непознат телефонски број и рекла дека повеќе нема да се јавува на никого и оттогаш тие ззгубиле секаква трага.
Во тоа време, синот на убиените сопружници издржувал затрворска казна, а затворот се наоѓал во близина на местото каде беа пронајдени нивните распарчени тела.
