Скопје, 26 јуни 2020 (МИА) – Осветлен патот, кој води кон познатото излетничко место „Три круши“ во село Драчево, информираат од општина Кисела Вода.
Претходно патот беше реконструиран, а сега се поставени 23 нови столба со светилки.
Општина Кисела Вода асфалтираше 660 метри во должина, а на два краци од патот, кои водат до куќите на жителите, во должина од 220 метри постави павер елементи.
-Со ова, на граѓаните им е овозможено лесно и безбедно да стигаат до своите домови, до црквата „Св. Петка“, а и до нивната омилена локација за пикник, велат од општината. ир/дма/
