Скопје, 15 април 2020 (МИА) – Општина Карпош заврши со реконструкција на две улици во Бардовци. Станува збор за реконструкција на крак од улицата „19“ и улица „20“.
Улицата „19“ е во должина од 150 метри и ширина од три метри, а кракот од улицата „20“
е во должина од 140 метри и ширина три метри и 80 сантиметри.
-Овие две локални улици претставуваат пристап за поголем број на домаќинства, куќи во овој дел од Карпош. На овој начин, се олесни движењето и се зголеми безбедноста за граѓаните и нивните возила, имајќи предвид дека овие улици со години беа во руинирана состојба, велат од општина Карпош.
Оттаму информираат дека во изминатиот период, во Бардовци се реконструирани и улиците: крак од улица „18“ и крак од улица „4“.
-Локалната самоуправа продолжува со подобрување на инфраструктурата во периферните делови на Карпош, но и во урбаниот дел, истакнуваат од општината. ир/са/
