Режисерот на „Црниот пантер“ Рајан Куглер застана на чело на нова телевизиска серија чие дејствие е сместено во измисленото футуристичко кралство на Ваканда, соопшти „Волт Дизни ко“ во понеделникот.
Новата серија за стриминг-сервисот „Дизни плус“ ќе се создаде како дел од петгодишниот телевизиски договор со продуцентската куќа Coogler’s Proximity Media, се вели во соопштението на „Дизни“.
Режисерот Куглер моментално работи на продолжение на блокбастерот „Црн пантер“ од 2018 година, кој треба да се појави во киносалите во јули 2022 година.
