Скопје, 27 мај 2020
По месец и половина “големиот експерт“ за прв пат се сети дека е објавена “голема тајна“- државната мапа, а сега уште еден месец подоцна ги повторува лагите. Несудениот кандидат на ВМРО ДПМНЕ за технички министер за внатрешни работи кој заборави на Уставот и се понадева на функција, сега “заборава” што е воена тајна, а што помош на граѓаните и институциите во услови на пандемија.
Истоштен од неостварените амбиции тој се обидува да и наштети на Армијата и на државата и повторно ја вознемирува јавноста со лаги.
Воопшто нема ништо спорно во објавата на државната мапа која го покажува дебарскиот регион каде Армијата и помагаше на полицијата пред се во контролата на граничната линија, што беше транспарентно споделено во јавноста како нејзина задача.
Никаде на мапата нема означен степен на класификација, ниту пак има впишано распоред на единиците, но тоа не го спречува несудениот функционер на ВМРО да инсинуира. И тоа за настан јавно објавен во средината на март.
Вистинските експерти не се служат со лаги или барем ги проверуваат своите претпоставки пред да ја вознемируваат јавноста.
Вистинските експерти не ја загрозуваат безбедноста, туку ја зацврстија: со полноправно членство во НАТО и со добро платена и силно мотивирана Армија. Таквите експерти ги бранат интересите на државата и нејзиниот углед. Не своите неосновани амбиции и жед за привилегии и злоупотреби.
Сектор за комуникации, аналитика и оперативна поддршка на Министерство за одбрана
___________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
