Скопје, 9 април 2020
Македонија се соочува со економска катаклизма, граѓаните се оставени без приходи и парче леб, а Костадинов се фали со успешните „економски“ политики на Владата. Ваквото однесување е во најмала рака несериозно, но и срамно ако се потсетиме дека самиот Костадинов делеше пакети со храна за оние кои се останати без парче леб.
Тој со гол популизам и класичен поткуп на гласачи, се труди да задржи глас повеќе за неговата партија и неговиот партиски шеф. Политиканството на власта во услови на вонредна состојба, светска пандемија и економска криза е срамно.
Граѓаните не знаат како ќе го поминат месецот, како ќе најдат средства за да ги набават потребните намирници за викендот во кој ни следува 24 часовен полициски час, а Костадинов ја фали Владата на СДСМ.
Граѓаните се загрижени поради недостатокот на сериозни мерки кои навистина ќе им помогнат на граѓаните.
Состојбата е алармантна 20% од македонските граѓаните добиле привремен отказ. Се работи за катастрофална бројка од над 160.000 граѓани, што значи дека во просек секое петто семејство во Република Македонија останува без еден вработен. Потребен е сериозен пристап и сериозна помош за граѓаните и стопанството.
Центар за комуникации на ВМРО-ДПМНЕ
____________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
