Војводата и војвотката од Сасекс во средата објавија празнична семејна честитка додека го славеа својот прв Божиќ во САД.
Фотографијата е уметнички приказ на принцот Хари, Меган и Арчи и нивните миленичиња, додека играат во градината на нивниот дом во Санта Барбара, коментираат британски таблоиди, кои сметаат дека ваквата честитка не е во склад со традицијата. Имено, шарената фотографија е многу поразлична од претходните фотографии на Сасекси за божиќни картички, кои беа снимени во црно-бело.
Кралската двојка може да се види како игра со синот Арчи заедно со нивните кучиња миленичиња Гај и Пула.
Корисниците на социјалните мрежи во средата се огласија на Твитер обвинувајќи ги Сасекси дека го сокриле Арчи користејќи анимација наместо вистинска фотографија.
Еден корисник напишал: „Зошто го кријат своето дете? Нешто не е како што треба “.
Се појавија низа коментари од повеќе корисници на Твитер: „Тие сè уште го кријат Арчи…“ „Фотошопиран цртан филм ??? Навистина! Паметен начин да се скрие Арчи “. „Ова не е ништо повеќе од смешна слика од цртан филм! Зошто го кријат Арчи?“. „На ова дете му е потребна социјална интеракција со други деца и излез од ‘неговиот балон’ за да може да живее нормален живот! Што е со неговата идна ментална благосостојба! “
Божиќната честитка беше објавена во средата преку Mawhey, британска добротворна организација за животни, на која војвотката е покровител.
На картичката стоеше: „Ви посакувамe многу среќен Божиќ и среќна Нова година“.
Портпарол на Сасекси изјави: „Оригиналната фотографија на семејството беше направена во нивниот дом на почетокот на овој месец, а ги сликаше мајката на војвотката.“
„Малата елка, вклучително и домашните украси и други украси, ги избра Арчи и дрвото ќе се засади по празниците“, рече портпаролот.
