Шпанецот Алберт Рамос-Вињолас ја продолжи одличната форма на земјена подлога, освојувајќи ја својата трета АТП титула на Есторил опен во Португалија.
33-годишниот ветеран се врати од сет-негатива и освои 51 отсто од својот втор сервис за да го совлада Британецот Камерон Нори со 4:6/6:3/7:6(3) во маратонки меч од 2 часа и 44 минути. Рамос-Вињолас сега има 16-5 скор на земја оваа сезона, и седум победи повеќе од било кој друг тенисер на оваа подлога, откако загуби во финалето на Кордоба опен во Аргентина.
50-рангираниот Нори пак, одеше на својата прва АТП титула, откако ги победи вториот носител Кристијан Гарин и шестиот носител Марин Чилиќ на патот до своето второ АТП финале.
> Рамос-Вињолас со титулата од Есторил <
