Битола, 10 март 2020 (МИА) – Градоначалникот на Битола Наташа Петровска претпладнево во својот кабинет оствари работна средба со раководителот на секторот за соработка при Мисијата на Европската Унија во Скопје, Никола Бертолини.
На средбата во овој град, Бертолини бил информиран за предлог проектите што ги подготвува општинската администрација, а се однесуваат на замена на нееколошките системи на греење и јавниот транспорт.
-Предложените проекти се во согласност со препораките на ЕУ, а се однесуваат на заложбите државите да ги намалуваат емисиите на јаглерод диоксид. Во овој контекст, Општина Битола, предложи седум проекти од кои четири се однесуваат на замена на системите за греење, еден за јавен транспорт, еден за фотоволтаични централи и еден за генератор на топлина, информираа од секторот за односи со јавност на Општина Битола. мт/сст/
