Рускиот претседател Владимир Путин денеска ќе се обрати на голема прес-конференција, која традиционално ја одржува на крајот на секоја година.
Сепак, оваа година, поради пандемијата на коронавирусот, настанот ќе се одржи преку видеоврска, јави ТАСС.
Вкупно 774 новинари беа акредитирани за конференцијата, а главните руски ТВ-канали резервираа три часа да го емитуваат настанот.
Домашни и странски новинари ќе бидат сместени во Меѓународниот трговски центар во Москва, а вкупно ќе бидат 237 од нив.
Конференцијата ќе започне напладне по московско време, а Путин ќе остане во својата резиденција во Ново Огарјово, каде што е поставен голем видеобим.
Првата конференција се одржа во 2001 година и траеше 95 минути, а најдолгата траеше во 2008 година – четири часа и 40 минути.
