Сите погодени од пукањето во училиштето во Казан ќе ја добијат потребната помош и поддршка, рече денеска рускиот претседател Владимир Путин во својот воведен говор на состанокот со владата.
„ Дозволете ми уште еднаш да истакнам дека сите оние кои се соочија со таа несреќа, семејствата кои беа погодени сигурно ќе ја добијат целата неопходна поддршка и помош“, рече рускиот претседател.
Путин изјави дека упатствата биле дадени на руската влада, Министерството за здравство, Министерството за образование, Министерството за вонредни ситуации и агенциите за спроведување на законот веднаш по добивањето информации за пукањето во училиштето.
Поранешен ученик во вторникот отвори оган во училиште во Казан, уби девет и рани 23 лица.
