ВД директорот на средното уметничко училиште „Лазар Личеноски“ – Скопје доставил одлука за прекин на наставата со физичко присуство, на што реагираат професорите кои велат дека одлуката директорот ја донел самоволно, бидејќи училиштето има дозвола за работа.
Во документот се соопштува дека наставата со физичко присуство се прекунува од 15 март до 2 април. Наведено е дека ваквата одлука се должи на зголемениот број на заразени наставници и ученици во училиштето.
Групата професори негодува посочувајќи дека училиштето има добиено дозвола за работа од страна на Комисијата за заразни болести, исто како и музичкото училиште.
„Сметаме дека ВД директорот Филип фидановски неоправдано и притивзаконски на своја рака донесе таква одлука“, велат дел од професорите во училиштето.
