Пријанка Чопра Џонас во текот на поткаст-интервју во четвртокот откри дека нејзиниот сопруг Ник Џонас целосно ја поддржува и е убеден дека таа ќе биде прва во семејството што ќе добие „Оскар“.
38-годишната Индијка на почетокот на Варајети-поткаст за доделување награди призна дека сите сè уште се навикнуваат да го слушаат Џонас на крајот од нејзиното презиме.
„Тешко е. Тоа е додаток на идентитетот што го имам повеќе од 35 години “, рече таа.
Пријанка и Ник (28) се во брак од 2018 година.
Актерката го промовираше својот нов филм „Белиот тигар“ кој почна да се прикажува на „Нетфликс“ минатата недела. Таа глуми во драмата и исто така е една од извршните продуценти.
