Основното јавно обвинителство Тетово донесе наредба за спроведување истражна постапка за двајца браќа, жители на село Боговиње, Тетовско, за кои постои основано сомнение дека како соизвршители го сториле кривичното дело неовластено производство и пуштање во промет наркотични дроги, а еден од нив и неовластено држење оружје.
„При извршен претрес од службени лица на 18 мај 2021 година, на две локации, во Тетово и во село Боговиње, заради продажба држеле наркотична дрога марихуана распоредена во одделни пакувања со вкупна нето-маса од 9375,4 грама. Покрај дрогата, при претресот во куќата во с. Боговиње бил пронајден и еден пиштол ‘бруни’ со калибар 8 мм, кој неовластено го држел еден од осомничените“, соопшти Обвинителството.
Обвинителството поднесе предлог до Основниот суд Теотово за определување мерка притвор за двајцата браќа, поради потреба да се обезбеди непречено водење на кривичната постапка.
