Камбоџанскиот премиер Хун Сен и четворица министри се во карантин по состанокот со министерот за надворешни работи на Унгарија Петер Сијарто, кој се зарази со коронавирус.
Хун Сен на својот фејсбук-профил напиша дека бил тестиран негативно на вирусот, но дека ќе ги следи упатствата на неговата влада и ќе остане во карантин 14 дена поради ризичниот контакт.
Cambodian Prime Minister Hun Sen and four of his Cabinet members are in quarantine after meeting with a visiting Hungarian envoy who later tested positive for the coronavirus. https://t.co/Pqorz0kcWo
— The Associated Press (@AP) November 5, 2020
За време на тој карантин, како што рече, тој нема да се состане со членови на семејството ниту ќе има состаноци „во живо“. Исто така, тој нема да биде во контакт со ниту еден од неговите најблиски соработници, како и со обезбедувањето.
Камбоџанскиот министер за здравство изјави дека 628 лица биле вклучени во подготовката и спроведувањето на посетата на Сијарто, и дека сите биле испратени на тестирање.
