Ирачкиот премиер и врховен командант на вооружените сили, Мустафа Ал-Кадими, вчера информираше за апсење на т.н. „банда на смртта“ за која се верува дека е одговорна за убиството на активисти и новинари во градот Басра за време на анти владините протести во 2019 година, пренесува „Мидл Ист монитор“.
„Смртоносната банда која го преплаши нашиот народ во Басра и посеа смрт по нејзините улици и уништи бројни животи, падна во рацете на хероите на нашите безбедносни сили во рамките на подготовките за фер и јавно судење“, напиша Ал-Кадими на Твитер , додавајќи дека сторителите кои извршиле убиства ќе бидат казнети и правдата ќе надвладее.
The death squad which terrorised our people in Basra, and killed innocents, are now in the hands of our heroic forces, on their way to a fair trial.
We got the killers of Jinan and Abdulsamad, and we will get the killers of Reham, Hosham, and all others.
Justice will not sleep.— Mustafa Al-Kadhimi مصطفى الكاظمي (@MAKadhimi) February 14, 2021
На крајот на минатиот месец, Ал-Кадими вети дека ќе ги казни сите оние кои биле вмешани во пролевање ирачка крв, вклучувајќи ги и оние кои учествувале во убиството на антивладините демонстранти во октомври 2019 година.
Според официјалните проценки, околу 565 Ирачани се убиени во текот на протестите, вклучувајќи и безбедносни службеници. Демонстрантите бараа подобрување на услугите, отворање работни места и ставање крај на политичката корупција.
