Неколку дена пред планираната одлука за укинување на епидемиолошките мерки, во Германија втор ден по ред е поставен рекорд во однос на седумдневна инциденца на заразени со ковид.
Таа бројка денеска достигна нова висока вредност од 1.607 на 100.000 жители, додека вчера инциденцата беше 1.585.
Во последните 24 часа се регистрирани 262.593 новозаразени лица, што е за околу 50.000 повеќе од вчера.
Пријавени се 269 смртни случаи, заразени со корона.
Овие високи бројки се забележани неколку дена пред планираната одлука за укинување на речиси сите епидемиски мерки, со можност за воведување построг режим во таканаречените жаришта на корона.
