Американскиот претседател Џо Бајден и канадскиот премиер Џастин Трудо се договорија да свртат нов лист во односите меѓу двете земји и да ја надминат ерата на Трамп.
Двајцата лидери истакнаа дека САД и Канада се длабоко поврзани и најавија заедничка акција против глобалното влијание на Кина и климатските промени.
„САД немаат поблизок пријател од Канада и затоа, како претседател, најпрво ве поканив Вас и ја одржав првата билатерална средба со вас“, му кажа Бајден на Трудо, пренесува „Ројтерс“.
Во заедничката изјава, двајцата лидери најавија заеднички напори за борба против пандемијата и климатските промени, со цел да се достигнат нулта емисии на штетни гасови до 2050 година.
