Кичево, 20 март 2020 (МИА) – Општинска организација на Црвен крст на Република Северна Македонија во Кичево почна со теренска сервисна услуга на мобилниот тим за набавка на храна, хигиенски средства и лекови за стари и изнемоштени лица, лица со попреченост и самохраните родители кои не можаат да излезат од дома.
– По отворањето на телефонската линија до денешниот ден, се примени пет повици од страна на стари лица кои живеаат сами и на истите им беше обезбедена соодветната барана услуга за набавка на храна, хигиенски средства и лекови, изјави Бесник Селими од Црвениот крст во Кичево.
Тој посочи дека Црвен крст континуирано дава поддршка за намалување на ризикот на проширување или заразување со Ковид-19.рз/фф/
