Бразилската здравствена агенција „Анвиса“ потврди дека починал волонтер кој учествувал во испитувања на вакцина против Ковид-19, пренесува агенцијата „Ројтерс“.
Станува збор за истражување за вакцината произведена од „АстраЗенека“ и Универзитетот Оксфорд.
Универзитетот во Сао Паоло, кој помага да се координираат клиничките испитувања во третата фаза во Бразил, соопшти дека станува збор за бразилски државјанин.
Според медиумите, сè уште не е познато дали волонтерот примил вакцина или плацебо.
