Францускиот суд прогласи за виновни 14 исламистички екстремисти за нападите во јануари 2015 година на сатиричниот весник „Шарли ебдо“ и еврејски супермаркет во Париз. Меѓу тие 14 е и Хајат Бумедиене, поранешна партнерка на Амеди Кулибали.
Кулибали убил полицајка, а потоа уште четири други лица во еврејски супермаркет, објави Ројтерс. Бумедиен е еден од тројцата осомничени судени во отсуство, кој беше прогласен за виновен за финансирање тероризам и припадност на криминална терористичка мрежа.
Се верува дека е жива и е во бегство во Сирија, каде се приклучи на Исламската држава.
Осудените беа прогласени за виновни по различни обвиненија, од членство во криминална мрежа до соучесништво во нападите.
Обвиненијата поврзани со тероризмот беа отфрлени за неколку обвинети кои беа прогласени за виновни за помали кривични дела.
Пресудата ќе биде објавена наскоро.
