Скопје, 15 април 2020 (МИА) – Прометот во индустријата во февруари бил зголемен за 3,5 проценти во споредба со истиот месец во 2019 година, покажуваат податоците што денеска ги објави Државниот завод за статистика.
Пораст е забележан кај Интермедијарните производи освен енергија и кај Капиталните производи за 2,6 проценти, како и кај Нетрајни производи за широка потрошувачка за 7,2 проценти. Опаѓање има кај Tрајните производи за широка потрошувачка за 9,2 проценти.
Во однос на јануари годинава, прометот во индустријата бележи пораст од 0,3 проценти, а зголемување за 7,7 проценти има и во периодот јануари-февруари годинава во однос на истиот период лани.
Прометот во индустријата е зголемен како на домашниот, така и на странскиот пазар во однос на февруари лани. Така, зголемување од 1,8 проценти има на домашниот пазар, а на странскиот пазар зголемувањето е за 3,8 проценти.
Во однос на јануари годинава, зголемувањето на домашниот пазар е 14,6 проценти, а кај странскиот пазар се забалежува намалување од 2,6 проценти.
Во периодот јануари-февруари годинава прометот во индустријата на домашниот пазар е зголемен за 4,7 проценти, а на странскиот пазар за 8,1 процент. бак/вј/
