Хали Бери е именувана во тужба што ја поднесе поранешната борачка на UFC, Кет Зингано, која бара отштета од Бери во врска со новиот филм – режисерско деби на познатата актерка.
Зингано тври дека Бери не го исполнила своето ветување дека ќе ѝ даде улога во претстојниот филм на „Нетфликс“, Bruised. Како резултат на тоа Зингано, наводно, пропуштила други профитабилни можности за кариера.
Зингано (39) наведува дека оскаровката (55) се сретнала со неа во јули 2019 година за проектот, според правните документи до кои дојде порталот „ТМЗ“.
Професионалната борачка тврди дека Бери ѝ рекла дека би сакала таа да биде вклучена во филмот – во кој Бери покрај тоа што ќе ја има главната улога, истиот и ќе го режира – и да го задржи нејзиниот календар отворен за продукција на филмот.
