Полицијата синоќа изрекла 129 санкции за возење под дејство на алкохол низ територијата на државата.
„Во текот на изминатата вечер (22/23.01.2022) во периодот од 22.00 до 04.00 часот спроведена е зајакната акциска контрола за санкционирање на возачи кои управуваат возила под дејство на алкохол на територијата на Република Северна Македонија, при што санкционирани се 129 возачи. Од нив, 23 на територијата на СВР Скопје, 17 на територијата на СВР Тетово, 15 на територија на СВР Струмица“, велат од МВР.
Засилените акциски контроли продолжуваат и во наредните денови.
