Најмалку 13 лица загинаа во предградието на перуанскиот главен град Лима, бегајќи од полицијата која упаднала во ноќен клуб кадешто имало роденденска забава за време на полициски час.
Полицијата првично била повикана во клубот каде што се собрале околу 120 лица на роденденската забава и ги прекршиле мерките против коронавирусот, со кои не се дозволени масовните собири.
Откако полицијата влегла во просториите, гостите се обиделе да избегаат преку единствениот излез, па многумина биле прегазени.Министерството ги отфрли извештаите во медиумите дека полицијата употребила солзавец и дека некои од жртвите се задушиле.
Околу 20 лица се проведени во текот на ноќта, а според медиумите најголемиот дел од настраданите во стампедото се на возраст од 20 до 30 години.
