Полицијата во Пенсилванија убила змија за да спаси човек што го давел, јавува ЦБС.
Еден од полицајците го опиша настанот како сцена од хорор-филм.
Полицијата добила повик за маж со змија завиткана околу вратот.
Кога полицајците пристигнале во куќата, 28-годишниот маж лежел на подот и не реагирал, а средниот дел од големата змија му бил замотан околу вратот, пишува РТС.
Еден од полицајците успеал со куршум да ја погоди змијата во главата, без да го повреди човекот.
По тоа, успеале да го ослободат.
Тој итно бил пренесен во подрачна болница, а неговата состојба не е позната.
Гардијан пренесува дека еден од полицајците настанот го опишал како сцена од хорор-филм.
Полицијата проценила дека змијата била долга најмалку четири и пол метри, пренесе „Денес.рс“.