Дебар, 23 јуни 2020 (МИА) – Во периодот од 9:00 до 17:00 часот утре без електрична енергија ќе биде подрачјето на Долна Река, општина Маврово и Ростуше, информираат од Општината.
-Поради технички зафати на трафостаницата кај селото Јанче, кои ќе ги изведува екипа на ЕВН-Македонија, утре (24 јуни) во целиот долнорекански регион ќе има прекин во снабдувањето со електрична енергија во периодот од 09:00 до 17:00 часот, стои во известувањето.
Зафатот е во насока да се обезбеди поквалитетно и непречено снабдување со електрична енергија на ова подрачје, каде чести се прекините во снабдувањето.
Подрајето на Долна Река припаѓа кон дебарското конзумно подрачје,заедно со општините Дебар и Центар Жупа,кое во целина опфаќа над дванаесет илјади потрошувачи.вт/скс/
