Репортер на „Фокс њуз“, Бенџамин Хол, синоќа беше повреден додека известуваше од околината на Киев. Тој е хоспитализиран, објави американската медиумска куќа.
Хол работи како дописник од Вашингтон и го покрива американскиот Стејт департмент за „Фокс њуз“, каде што работи од 2015 година.
„ Засега имаме малку детали, но Бен е хоспитализиран и нашите теренски тимови работат на собирање дополнителни информации бидејќи сè се случува со голема брзина“, рече извршната директорка на „Фокс њуз“, Сузана Скот во порака до вработените во медиумската куќа.
