Две лица се тешко повредени во сообраќајна несреќа што се случила вчера на регионалниот пат Младо Нагоричане-Граничен премин Пелинце во атар на с.Младо Нагоричане.
Според информациите, несреќата се случила кога автомобил „сеат ибица“ со кумановски регистарски ознаки управувано од С.М.(20) с.Младо Нагоричане, излетало надвор од коловозот.
Во несреќата со тешки телесни повреди се здобила С.М., а со телесни повреди се здобила сопатничката С.М.(19) од с.Младо Нагоричане констатирани во Општата болница во Куманово. Извршен бил увид од увидна екипа од СВР Куманово.