Повредата на Карим Бензема не е сериозна, тој ќе настапи на Европското првенство. Напаѓачот на Реал, поради проблем со коленото, синоќа побара измена во 41.минута на контролниот натпревар со Бугарија.
„Тоа е грч. Доби силен удар во мускулот кај десното колено. Не сакавме да ризикуваме, затоа го напушти теренот. Медицинскиот тим е со него“, изјавил францускиот селектор Дидие Дешан.
Франција, ја победи Бугарија со 3:0, еден гол постигна Антоан Гризман, два замената за Бензема, Оливие Жиру.
Актуелните светски шампиони на ЕУРО 2020 ќе играат во најтешката група, против Португалија, Германија и Унгарија.
> Повредата на Бензема не е сериозна <
