Комичарот Пит Дејвидсон, наводно, ќе оди на пат во вселената.
Дејвидсон, момчето на Ким Кардашијан, е блиску до потпишување договор да го придружува милијардерот Џеф Безос на летот на „Блу ориџин“.
28-годишната ѕвезда на Saturday Night Live „моментално е во преговори да се качи на летот на Blue Origin со 58-годишниот основач на „Амазон“ за да помине нешто повеќе од 10 минути на 100 километри над површината на Земјата“, објави „Пејџ сикс“.
„Пит е возбуден“, изјави извор близок до комичарот за порталот, иако тоа не е завршена работа.
„Тие сè уште немаат потпишано договор, но изгледа дека тоа ќе се случи. Деталите се финализираат“, додаде изворот.
