Пехчево, 15 јуни 2020 (МИА) – Комплетирано е реновирањето на ентериерот во градинката „7 Септември“ во Пехчево. Во рамки на активностите, како што информираа од градинката, санирани се помошните простории, а обновена е и столаријата во објектот.
-Во изминатите неколку недели во рамки на активностите ги реновиравме ходниците и помошните простории, при што ги обновивме со нови плочки и врати за секојдневно одржување на хигиената по највисоки стандарди. Ваквите активности се во насока на обезбедување подобри услови за престој на дечињата во установата, истакнаа од градинката.
Во меѓувреме, како што додадоа, преземени се дополнителни мерки во насока на превенција од коронавирус.
-Согласно насоките и протоколите на Министерството за труд и социјална политика и Министерството за здравство, целосно ги дезинфициравме објектите на градинката во градот, како и останатите подрачните објекти во селата Црник и Чифлик каде исто така згрижуваме дечиња, додадоа од градинката „7 Септември’.
Во детската установа во Пехчево во тек е и доградба на трпезаријата во градинката, активност која се реализира согласно проектот за подобрување на општинските услуги. вс/рп/
