Во Хонгконг во налет е петтиот бран на коронавирус. Бројот на заразени надмина еден милион, додека официјалните лица потврдија повеќе од 20.000 нови случаи на инфекција.
Од 20.082 нови случаи, 7.966 биле откриени со ПЦР тестови, додека 12.116 биле пријавени од луѓе кои сами правеле брзи антигенски тестови. Најновите случаи го зголемија бројот на потврдени случаи на 1.016.944 од почетокот на пандемијата. Само на петтиот бран отпаѓаат повеќе од еден милион од овие случаи.
Официјалните лица објавија и за 265 нови смртни случаи, од кои 259 биле пријавени во болниците, а останатите биле откриени во мртовечници, со што бројот на починати во Хонгконг достигна 5.401.
