Русија ќе го намали нивото на контакт со земјите додадени на списокот на непријателски држави, изјави денеска портпаролот на Кремљ, Дмитриј Песков.
– Природно е дека ставањето на листата на непријателски земји значи намалување на нивото на контакти. Ова е работа на владата, владата е таа што носи таква одлука. И тоа е едноставно поврзано со непријателското однесување на тие земји – рече Песков, коментирајќи го фактот дека Русија го прошири списокот на непријателски земји.
Руската влада го ажурираше списокот на земји за кои тврди дека преземаат непријателски дејствија против руските дипломатско-конзуларни претставништва во странство, а на листата се додадени Хрватска, Грција, Данска, Словенија и Словачка, пренесе Телеграф.