Хрватскиот ветеран Иван Перишиќ како слободен играч ќе се пресели од Интер во лондонски Тотенхем. Перишиќ прв пат во кариерата ќе игра во Премиер лигата, досега има настапувано во Франција, Белгија, Германија и Италија.
Иван Перишиќ, претпладнево пристигнал на медицински прегледи во Лондон, а потоа ќе стане нов играч на Тотенхем.
Хрватот ќе биде првото засилување за Тотенхем пред новата сезона. Тој ќе ја обнови соработката со Антонио Конте, со кого соработуваше во Интер кога тимот ја освои Серија А минатата сезона.
Последните сезони инаку се многу успешни за Перишиќ бидејќи тој беше на позајмица во Баерн во сезоната 2019/20 кога Баварците ја освоија Лигата на шампионите.
Перишиќ во кариерата настапувал за Сошо, Бриж, Дортмунд, Волфсбург, а во Интер дојде во 2015 година.
> Перишиќ на лекарски во Лондон, повторно ќе соработува со Конте <