Бразилската фудбалска легенда Пеле (81) јавно го повика рускиот претседател Владимир Путин да ја прекине војната во Украина.
„Запрете ја инвазијата. Нема оправдување за продолжување на насилството“, му порача тој на Путин во писмо објавено на „Инстаграм“.
„Кога се сретнавме во минатото и разменивме насмевки со долго ракување, не можев да замислам дека еден ден ќе бидеме разделени како што сме сега“, напиша Пеле.
„Моќта да се стави крај на овој конфликт е во ваши раце. Истите раце со кои се ракував во Москва кога последен пат се сретнавме во 2017 година“, објави Пеле.