Педофил од американската држава Вирџинија е обвинет за киднапирање на 12-годишно девојче. Според Си-eн-eн, 40-годишниот Нејтан Даниел Ларсон моментално е во затвор во Денвер, а шерифот од округот Фресно изјавил дека тој управувал со веб-страница која охрабрува силување деца и објавување на такви фотографии и снимки.
Ларсон се запознал со 12-годишното девојче кое живее на округот Фресно преку социјалните мрежи во октомври, а за време на два месеци манипулација, тој ја убедил да му испрати свои разголени фотографии. Минатата недела летал кон Фресно и го убедил девојчето да се прикраде од куќата околу 2 часот по полноќ, а потоа повикал такси со кое стигнале до аеродромот.
Ларсон му ставил перика на девојчето и му речол да се однесува како да е немо, за да не разговара со никого.
Полицијата подоцна тој ден објави дека девојчето го нема, а кога детективите дознале дека киднаперот и девојчето се качиле во авион за Вашингтон со трансфер во Денвер, тие контактирале со тамошните власти и побарале да го проверат Ларсон. Полицијата во Денвер го уапси киднаперот, а агентите на ФБИ го спасија девојчето коешто не е повредено.
